دموع حبيبتى

موضوع: دموع حبيبتى الجمعة مارس 26, 2010 10:46 am

دموع حبيبتى

دموع حبيبتى 074034_1

نداوى جرح مين فينا .. ؟

بقينا إتنينْ بدل واحدْ

شكينا لبعض وحكينا

وجمَّعنا طريق واحدْ

ولا جراحنا إنتهت فينا

ولا جرحى فٍضٍلْ واحدْ

لقيتٍكْ فى الطريق دَمْعه

بتبكى عمرها المجروحْ

مِشٍيتْ خطوه لكنْ قلبى

ماهانشْ علٍيه يغيب ويروحْ

رٍجٍعْتْ الخطوه من تانى

نسيت دمعى وأحزانى

ولملمتك وَنَا المدبوحْ

سألتٍكْ عن سبب جرحٍكْ

حبيب قاسى قتل فرْحٍكْ

هجر أرضٍكْ .. حَرَقْ قمحٍك

ْوباع نفْسُه فى يوم واحد

ْبتبكى عليه ؟؟؟..

ودمعك فوق خدودك نهرْ

طوله قد طول الدهرْ

بينادى فى ليل القَهْرْ

على أحمُسْ .. على مينا

وناسْ كانوا فى وادينا

أسود تٍرْهٍبْ أعادينا

وفى إْديهم يلين الصخْرْ

بنوا بالعلم أمجادهم

ْوسابوا تاريخ لأحفادهمْ

دليل يشهد على جهادهمْ

وإن الكلْ كان واحدْ

ولسَّه النهرْ ..

دموع حبيبتى Cd61f3ed3a

بينادى فى ليلْ القهرْ ..

فين ناسى .. ؟

سابونى للعدو القاسى

يحُط الطين على راسى

يعربد جوا أنفاسى

يزيٍّف حتى كُرَّاسى

ويجرح نبض إحساسى

ولا منهم نَطَقْ واحدْ

ولا فارس حَمَل سيفُه

ولا عالٍمْ لمَعْ طيفُه

وكله بيجرى ورا كيفُه

وده شيشَه وده سْجاره

وده مَرْمٍى فى خمَّارة

وده بيزحفْ ورا إْثاره

وضاع الحلم يا خساره

ماعادْ فينا أسدْ واحدْ

ولا حتى جدَعْ واحدْ

ولا حتى أملْ واحدْ

بقينا الكلْ مٍشْ واحدْ

ولسَّه النهرْ

بينادى فى ليلْ القهرْ

على أحمُسْ .. على مينا

ولا جراحْنا انتهتْ فينا

ولا جرحى فٍضٍلْ واحدْ

» دموع الرجل ام دموع المراة
» حبيبتى
» حبيبتى انتى