أيهما أفضل ..أصدقاء الانترنت أم أصدقاء الواقع ؟

السلام عليكم ورحمة الله وبركاته ..

أيهما أفضل ..أصدقاء الانترنت أم أصدقاء الواقع ؟

كلنا يعرف مدى اهمية الصداقة ..ومدى اهمية احسان اختيار الصديق

هناك اصدقاء الدراسة ..اصدقاء من العائلة ..اصدقاء الطفولة ..واصدقاء الانترنت

والنوع الاخير هو الذي ارغب في التحدث عنه قليلا ( اصدقاء الانترنت)
في كل يوم نقابل اصدقاء جدد في كل مكان حتى في الانتر نت

لنتذكر ..كم من صديق ( تعرفنا عليه من خلال الانترنت ) وقف الى جانبنا وساعدنا كثيرا

بل قد نحبهم احيانا لدرجة كبيرة ربما تفوق حبنا لاصدقاء الطفولة او الدراسة ..بل ونحن لم نرهم اصلا

سؤالي هنا ...هل من الممكن ان يكون اصدقاء الانترنت افضل واكثر وفاء من اصدقاء الواقع ؟؟

انا من رايى انا ..(انا بصراحه افضل اصدقاء الواقع والانترنت لانى لاحظت ان النوعين ساعدونى ووقفو بجانبى فى كتير من المواقف و يحذرونى لذلك احبهم هم الاتنين..ونعم الاصدقاء بحبكم كلكم ...(الحب الكبير)

لا طبعا اخى الصداقه بالواقع افضل وكل شىءبالواقع بيكون افضل يعنى انا لو مصاحب واحد على النت معقول حيكون زى واحد بشوفه واعرفو وبينا عيش وملح يعنى اخى ساذكر لك صديقين لى بالحياة والواقع تعرفت عليهم فى محل لشخص اسمه ضياء ودائما هما طوال الاربعه وعشرين ساعه على النت سويا ودارت بيننا صداقه وعشرة مع انهم من بلدى طنطا وانا عايز اعيش اونطه بس بصراحه رجاله وهما الاثنين شخص بيموت فى الاسكاى بى والتانى مدمن حاجه تانيه معرفتهم فقر بس حبايب قلبى وربنا بجد رجاله ازاى حقارنهم بحد بيكلمنى من وراء شاشه هذا ردى اخى الكريم

الصداقة عموما حاجة جميلة جدا ان يكون عندنا اصدقاء بجد شيئ رائع بس اكيد في فرق بين اصدقاء الواقع واصدقاء النت علشان اصدقاء الواقع ممكن تشوفهم تتكلم معاهم بس اصدقاء النت حتى لو انت محتاجلهم صعب جدا انك تشوفهم بس احيان كتير بيكون عندنا اصدقاء من النت اكتر بكتير من اصدقاء الواقع مش معنى كده ان احنا نلغي اصدقاء النت بس لو هنقول مين افضل يبقى اصدقاء الواقع مش لعيب في اصدقاء النت بس لسبب بسيط انهم بعاد عننا.
شكرا ليك على الطرح المميز